ФТУ Охрид започнува со публикување на квартален монитор(МКСИГ) за пазарот на осигурување во Македонија

Целиот систем на осигурување во Македонија правно е заснован врз Законот за супервизија на осигурувањето, како и други поединечни закони, подзаконски акти и имплементација на легислативата на ЕУ од областа на осигурувањето. Договорот за осигурување е договор во кој договарачот на осигурувањето се обврзува врз начелата на заемност и солидарност да здружува определен паричен износ во друштвото за осигурување (осигурувач), а друштвото се обврзува, ако дојде до настан што претставува осигуран случај, да му го исплати на осигуреникот или на некое трето лице надоместокот, односно договорената сума.

Осигурителни компании во Македонија-неживот

Осигурителни компании во Македонија-живот

https://aso.mk/

Осигурувањето на живот е покритие со кое осигурителот се обврзува, на осигуреникот/корисникот на осигурување, врз основа на платените премии на осигурување, да му ја исплати осигурената сума во случај на смрт, односно доживување.

• Изберете го видот на осигурување на живот кој најдобро ќе одговара на Вашите потреби и можности;
• Дефинирајте ја временската рамка на траење на осигурувањето.Времетраењето на полисата за осигурување зависи пред сè од Вашата волја;
• Бидете сигурни дека со Вашите примања ќе бидете во можност редовно да ја плаќате договорената премија за осигурување во дефинираниот временски период;
• Информирајте се за ризиците кои се покриени со полисата, како и за исклучоците;
• Секогаш консултирајте се со овластено лице за условите под кои се нуди осигурувањето и бидете сигурни дека Ви се јасни сите одредбиод условите.

ОД ШТО ЗАВИСИ ВИСИНАТА НА ПРЕМИЈАТА (цената)КАЈ ОСИГУРУВАЊЕТО НА ЖИВОТ?

КОИ ВИДОВИ ОСИГУРУВАЊЕ НА ЖИВОТ НАЈЧЕСТО СЕ СРЕЌАВААТ?

Осигурување на живот во случај на смрт (ризико осигурување) – договорената осигурена сума се исплатува на корисникот на осигурувањето само во случај на смрт на осигуреникот во договореното траење на осигурувањето. Доколку осигуреникот го доживее датумот на кој истекува полисата осигуреникот/корисникот на осигурување нема право на исплата на осигурената сума.
Осигурување на живот во случај на доживување – осигурената сума се исплатува само во случај ако осигуреникот го доживее договорениот датум наведен во полисата за осигурување. Доколку кај осигуреникот настапи смрт за време на траењето на договорот, корисникот на полисата за осигурување нема право на исплата на договорената сума.
Мешовито осигурување на живот претставува комбинација од осигурувањето на живот во случај на смрт и осигурувањето на живот во случај на доживување. Во случај на смрт на осигуреникот за времетраење на осигурувањето, на членовите на неговото семејство/корисниците на осигурување се исплаќа осигурената сума. Во случај на доживување, осигурената сума заедно со делот од добивката се исплаќа на осигуреникот. Ова осигурување е најчесто користено од страна на осигурениците поради комбинацијата на штедење и заштита на семејството на осигуреникот во случај на негова смрт.
Рентно осигурување (осигурување на ануитети) – осигуреникот има право на исплата на одредени периодични исплати (ануитети) во текот на одреден период или доживотно. Ова осигурување може да се користи и како модел за идна исплата на пензии, односно пензиски надоместоци на сите членови во вториот, односно третиот пензиски столб кои се стекнале со тоа право.

ДАЛИ МОЖЕ ДА ЈА ОТКАЖЕТЕ ПОЛИСАТА ЗА ОСИГУРУВАЊЕ НА ЖИВОТ?

Доколку договарачот на осигурувањето од која било причина повеќе не може или не сака да ја плаќа договорената премија, може да изврши откуп или капитализација на полисата.
Доколку ја откажете полисата за осигурување, односно сакате да извршите откуп на полисата, осигурителот ќе Ви ја исплати откупната вредност на полисата, односно дел од претходно уплатените средства, во согласност со табелите за откупни вредности.
Доколку се исполнети условите за капитализација, договарачот на осигурувањето се ослободува од понатамошно плаќање на премијата. Полисата за осигурување и понатаму останува во сила, а осигурената сума се намалува според табелата за капитализирани износи.
Осигурителот има обврска табелата за откупни вредности и табелата за капитализирани износи да му ги предаде на договарачот на осигурувањето при склучувањето на договорот за осигурување на живот.
Доколку донесете одлука да ја откажете полисата, информирајте се за финансиските последици од таа одлука.
Трошокот за предвремено прекинување на полисата е на Ваш товар!

Извор:АСO

Историјата на осигурувањето може да се следи илјадници години наназад.

Во кодексот на Хамураби напишан околу 1754 година п.н.е. стои дека доколку трговец е нападнат на територијата на Вавлион, власта ќе се погрижи да му ги надомести трошоците. Тоа и претставува основата на осигурувањето – надоместок на штета.

Сите видови на осигурително покритие се достапни денес, но поморското осигурување е широко признаено како најрана позната форма. Уште пред 5.000 години, кинеските трговци се заштитија од загубите во поморскиот пат ширејќи го товарот меѓу повеќе бродови. Вавилонските трговци со бродови земале заеми за пратките и плаќале надомест за „простување заем“ на заемодавците во случај на загуба или кражба на море. Оваа форма на осигурително право е запишана во Законикот на Хамураби, список од неколку стотици закони објавени од истоимениот вавилонски владетел за време на неговото владеење од 1792 година п.н.е. до 1750 п.н.е.

Начелата од кодот на Хамураби се развиле и распространиле во антиката. Така настанале осигурителните заедниците во Грција околу 800 п.н.е.  Тие врз заемна основа ги надоместувале загубите што настанувале при превоз на море. Секој член на заедниците вложувал одредена сума и можел да бара надоместок доколку се случи штета.

Надградба на овие заедници биле бродските заедници во Персискиот Залив. Тие му набавувале нов брод на сопственикот чиј брод ќе потонел.

Пресвртница е комерцијалното осигурување т.е. формирањето на специјализирани компании коишто заработуваат при осигурувањето. Првата комерцијална компанија е основана во Бриж, Белгија. Најпрво мала белгиска банка ,нудела осигурување на добра. Банката потоа во 1310 година се трансформира и станува првата осигурителна компанија.

Првите самостојни договори во осигурувањето настанале во почетокот на XIV век во Џенова, Италија.  Со појавата на овие договори, првпат ѝ е дадена јасна и недвосмислена правна форма на економската содржина на осигурувањето. Ова било силен поттик тоа да стане значајна важна стопанска дејност.

За да ја намалат опасноста на која се изложени, подучени од искуството, соптвениците на бродови имале осигурување. Во ова осигурување влегувал само еден мал дел од вредноста на одредената стока. Тие истовремено земале во осигурување и дел од вредноста на други стоки во други бродови кои пловеле по различни мориња. На тој начин се овозможувало обезбедување во случај да пропадне едниот брод или стока, да ги компензираат своите загуби со големите заработувачки. Ова претставувало прво свесно организирање на ризичните заедници меѓу лица изложени на лични опасности на разни места и во различно време од страна на едно лице.

Во 1575 Британскиот Парламент ја основа комората за осигурување – Chamber of Insurance.

Многу важен настан за развојот на осигурувањето е пожарот во лондон во 1666та година кој поттикнал да се основаат мноштво осигурителни компании. Од тука почнуваат и зачетоците на познатата Лојд од Лондон.

Во текот на 19 век со развојот на статистиката и актуарската математика доаѓа до огромен развој на осигурувањето. Ова доведува до воведување на нова законска регулатива, пензиски систем како и развој на Реосигурување. Реосигурувањето претставува предавање на ризикот од страна на осигурителната компанија на друга компанија на комерцијална основа.

https://mk.wikipedia.org/wiki/%D0%9E%D1%81%D0%B8%D0%B3%D1%83%D1%80%D1%83%D0%B2%D0%B0%D1%9A%D0%B5

Просечниот човек во неговото осигурителното покритие вклучува автомобил, дом, живот, здравје,тој нема потреба да осигурува некој специфичен дел од своето тело, а просечната осигурителна компанија нема потреба да обезбедува ваков вид покритие. Во нашиот регион сеуште не е развиено вакво осигурување но интересно е да се прочита за тоа колку тоа е важно за славната личност чија цела кариера е изградена на нејзиниот изглед или физички способности, перцепцијата за осигурување е сосема поинаква.

Oсигурувањето на славните им помага да ги заштитат своите најважни делови за да останат во центарот на вниманието што е можно подолго.

Џин Симонс го осигура својот јазик за 1 милион долари

Џин Симонс е израелско-американски музичар, тој е басист и ко-пејач на Kiss.Кога KISS ја постигна својата најголема слава во 70-тите, беше позната по црно-белата шминка,по нивната театарска претстава,и по јазикот на Џин Симон која беше интересна атракција за фановите и за присутините на нивните концерти. Басистот го осигура неговиот јазик на 1 милион долари.Големата сума на осигурување гарантирала дека доколку му се случи нешто на јазикот на Џин ќе му биде надоместена целосно штетата.

Џеки Чен е еден од многу личности кои неможат да добијат осигурување

Каскадерите се оние личности кои неможат да се осигураат ,бидејќи трошокот за негата е навистина голема.Тие како и Џеки Чен имаат големи ризици додека работат,за кои компаниите не се подготвени да ги превземат финансиски.

Насмевката на Америка Ферера е осигурана на 11 милиони долари

Кога Aquafresh избра да ја спонзорира Америка Ферера –Ugly Betty  , тие го направија тоа поради нејзината прекрасна насмевка. Во рамките на партнерството со Aquafresh, актерката направи осигурително покритие за заштита на забите и непцата за сума од 11 милиони американски долари.Ова ѝ ја обезбеди финансиската иднина доколку некогаш и се случи нешто со нејзината насмевка.